حلا السينبون

بعد صراع طويل في المطبخ والتجارب الكثيرة لمختلف الطرق لعمل السينبون,, لقيت هذي الطريقة ونفذتها وطلعت بالضبط طريقة السينبون الاصلية,,

اول شي العجينة:
3 م ص خميرة.
1 كوب حليب دافئ.
1/2 كوب سكر ناعم.
1/3 كوب زبدة.
1 م ص ملح.
2 بيضة.
4 كوب دقيق المطاحن الكويتيه
(حطي شوي سكر في شوية ماء دافيء وحطي معها الخمير –هذي الحركة عشان تتخمر لك العجينة بسرعة اهم شي الموية دافية مو حارة- اخلطي الحليب والزبدة والبيض والسكر بعدين صبيها ع الدقيق واعجني ولاتنسين تحطين عليها الخميرة,, واذا خلصتي قسميها 4 اقسام غطيها وخليها في مكان دافيء تخمر ساعة كاملة)
الحشوة:
كوب سكر بني.
2ونصف م ص قرفة.
1/3 كوب زبدة.
بالنسية لي (اول شي ادهن العجينة بعد ماافردها بالزبدة, بعدين انخل عليها شوي قرفة, بعدين انخل فوقها السكر البني الين يغطيها )

التغطية:
3 م ك زبدة.
1 ونصف كوب سكر بودرة.
1/4 كوب جبن كريم(cream cheese) . جبن كريم فيلادلفيا في علبة لونها رصاصي مع ازرق من ماركة كرافت او كيري
1/2 م ص خلاصة الفانيلا.
رشة ملح.
(اخلطيهم مع بعض في الخلاط,, اذا حسيتي انها ثقيلة حطي عليها شوي حليب سايل,, وخليها على جنب)
الصوص:
نصف كوب عسل بانكيك
ربع كوب سكر بني
وملعقتين اكل زبدة
شوي قرفه
(تذوب كلها ع النار وخليها على جنب)
--
اذا خمرت العجينة,, افرديها وادهنيها بالزيدة ورشي عليها السكر والقرفة ولفيها,, وقطعيها (بالخيط عشان مايخرب شكلها) ورصيها بالصينية,, اذا خلصتي غطي الصينية وخليها ساعة والا ساعة الاربع تخمر في مكان دافي,, اذا خلصت الساعة حطيها بالفرن اكثر شي ربع ساعة,, اهم شي لاتطول عشان ماتيبس,, واذا طلعت حطي عليها طوااالي الصوص بعدين التغطية اهم شي حطيها عليها والسينبون توه حار,, واذا تبين تحطين مكسرات عين الجمل وشوكلاتة هيرشي عاد براحتك,,


والله طعمها خطير بالضبط زي حقت سينبون,,


...

أأبي ردود بليــــــز وين ردودكمم وتقيمآآتكمم